وہ شمعِ اجالا جس نے کیا چالیس برس تک غاروں میں

41 بار دیکھا گیا

شیئر کریں

وہ شمعِ اجالا جس نے کیا چالیس برس تک غاروں میں
اک روز چمکنے والی تھی سب دنیا کے درباروں میں

گر ارض و سما کی محفل میں لولاک لما کا شور نہ ہو
یہ رنگ نہ ہو گلزاروں میں، یہ نور نہ ہو سیاروں میں

جو فلسفیوں سے کھل نہ سکا، جو نکتہ وروں سے حل نہ ہوا
وہ راز اک کملی والے نے بتلا دیا چند اشاروں میں

ابو بکرؓ و عمرؓ، عثمانؓ و علیؓ کرنیں ہیں ایک ہی مشعل کی
ہم مرتبہ ہیں یارانِ نبیؐ، کچھ فرق نہیں ان چاروں میں

وہ جنس نہیں ایمان جسے لے آئیں دکانِ فلسفہ سے
ڈھونڈے سے ملے گی عاقل کو یہ قرآن کے سپاروں میں

ظفر علی خان (1873–1956): انہیں "اردو صحافت کا بانی" کے طور پر جانا جاتا ہے، وہ ایک شاعر بھی تھے جن کی شاعری میں اکثر قومی جذبہ اور مزاحمت کے…

رومن اردو میں پڑھیں