کاپی ہو گیا ✓
غزل

غم کی بارش نے بھی تیرے نقش کو دھویا نہیں

از: منیر نیازی

35 بار دیکھا گیا
شیئر کریں

غم کی بارش نے بھی تیرے نقش کو دھویا نہیں
تو نے مجھ کو کھو دیا، میں نے تجھے کھویا نہیں

نیند کا ہلکا گلابی سا خمار آنکھوں میں تھا
یوں لگا جیسے وہ شب کو دیر تک سویا نہیں

ہر طرف دیوار و در اور ان میں آنکھوں کے ہجوم
کہہ سکے جو دل کی حالت، وہ لبِ گویا نہیں

جرم آدم نے کیا اور نسلِ آدم کو سزا
کاٹتا ہوں زندگی بھر، میں نے جو بویا نہیں

جانتا ہوں ایک ایسے شخص کو میں بھی منیرؔ
غم سے پتھر ہو گیا، لیکن کبھی رویا نہیں

منیر نیازی

منیر نیازی پاکستان کے ممتاز شاعر تھے۔ انہوں نے زیادہ تر اردو اور پنجابی زبانوں میں شاعری کی، اور اخبارات، رسائل اور ریڈیو کے لیے بھی لکھا۔ 1960ء میں انہوں…

معلومات
  • قسم: غزل
  • شاعر: منیر نیازی
  • اشعار: 5
  • ملاحظات: 35

رومن اردو میں پڑھیں

Roman Urdu