تیرے تصورات سے آگے نہیں گیا

89 بار دیکھا گیا

شیئر کریں

تیرے تصورات سے آگے نہیں گیا
یہ دل توہمات سے آگے نہیں گیا

جو بیچ راہ چھوڑ گیا، شکر ہے وہ شخص
میری توقعات سے آگے نہیں گیا

شاید اسے پسند تھیں جھوٹی نمائشیں
لیکن میں دل کی بات سے آگے نہیں گیا

جذباتِ دل کو وہ بھی نہ کچھ ڈھنگ دے سکا
میں بھی تکلفات سے آگے نہیں گیا

تحفہ بھی اس کے واسطے کنگن لیا، "زریمؔ"
واللہ! میں اس کے ہاتھ سے آگے نہیں گیا

عبداللہ زریم ایک ابھرتے ہوئے اور بے حد مقبول نوجوان پاکستانی شاعر ہیں، جن کا تعلق بھکر، پنجاب سے ہے۔ ان کی پیدائش 1999ء میں ہوئی۔ وہ اپنی سادہ، دل…

رومن اردو میں پڑھیں