کاپی ہو گیا ✓
غزل

بے چین بہت پھرنا، گھبرائے ہوئے رہنا

از: منیر نیازی

32 بار دیکھا گیا
شیئر کریں

بے چین بہت پھرنا، گھبرائے ہوئے رہنا
اک آگ سی جذبوں کی دہکائے ہوئے رہنا

چھلکائے ہوئے چلنا خوشبوئے لبِ لعلیں کی
اک باغ سا ساتھ اپنے مہکائے ہوئے رہنا

اس حسن کا شیوہ ہے، جب عشق نظر آئے
پردے میں چلے جانا، شرمائے ہوئے رہنا

اک شام سی کر رکھنا کاجل کے کرشمے سے
اک چاند سا آنکھوں میں چمکائے ہوئے رہنا

عادت ہی بنا لی ہے تم نے تو منیرؔ اپنی
جس شہر میں بھی رہنا، اکتائے ہوئے رہنا

منیر نیازی

منیر نیازی پاکستان کے ممتاز شاعر تھے۔ انہوں نے زیادہ تر اردو اور پنجابی زبانوں میں شاعری کی، اور اخبارات، رسائل اور ریڈیو کے لیے بھی لکھا۔ 1960ء میں انہوں…

معلومات
  • قسم: غزل
  • شاعر: منیر نیازی
  • اشعار: 5
  • ملاحظات: 32

رومن اردو میں پڑھیں

Roman Urdu