Main dil pe jabr karunga, tujhe bhula dunga

میں دل پہ جبر کروں گا، تجھے بھلا دوں گا
مروں گا خود بھی، تجھے بھی کڑی سزا دوں گا

Main dil pe jabr karunga, tujhe bhula dunga
Marunga khud bhi, tujhe bhi kadi saza dunga.

یہ تیرگی مرے گھر کا ہی کیوں مقدر ہو
میں تیرے شہر کے سارے دیے بجھا دوں گا

Ye teergi mere ghar ka hi kyun muqaddar ho
Main tere shehar ke saare diye bujha dunga

ہوا کا ہاتھ بٹاؤں گا ہر تباہی میں
ہرے شجر سے پرندے میں خود اڑا دوں گا

Hawa ka haath bataunga har tabahi mein
Hare shajar se parinde main khud uda dunga.

وفا کروں گا کسی سوگوار چہرے سے
پرانی قبر پہ کتبہ نیا سجا دوں گا

Wafa karunga kisi sogwaar chehre se
Purani qabr pe katba naya saja dunga.

اسی خیال میں گزری ہے شامِ درد اکثر
کہ درد حد سے بڑھے گا تو مسکرا دوں گا

Isi khayal mein guzri hai shaam-e-dard aksar
Ke dard had se badhega to muskura dunga.

تو آسمان کی صورت ہے، گر پڑے گا کبھی
زمیں ہوں میں بھی مگر تجھ کو آسرا دوں گا

Tu aasman ki soorat hai, gar padega kabhi
Zameen hoon main bhi magar tujh ko aasra dunga.

بڑھا رہی ہیں مرے دکھ نشانیاں تیری
میں تیرے خط، تری تصویر تک جلا دوں گا

Badha rahi hain mere dukh nishaniyan teri
Main tere khat, teri tasveer tak jala dunga.

بہت دنوں سے مرا دل اداس ہے محسنؔ
اس آئینے کو کوئی عکس اب نیا دوں گا

Bahut dinon se mera dil udaas hai Mohsin
Is aaine ko koi aks ab naya dunga.