Bichhar gaye to yeh dil umr bhar lage ga nahin

بچھڑ گئے تو یہ دل عمر بھر لگے گا نہیں
لگے گا، لگنے لگا ہے مگر لگے گا نہیں

Bichhar gaye to yeh dil umr bhar lage ga nahin
Lage ga, lagne laga hai magar lage ga nahin

نہیں لگے گا اسے دیکھ کر مگر خوش ہے
میں خوش نہیں ہوں مگر دیکھ کر لگے گا نہیں

Nahin lage ga use dekh kar magar khush hai
Main khush nahin hoon magar dekh kar lage ga nahin

ہمارے دل کو ابھی مستقل پتا نہ بنا
ہمیں پتا ہے ترا دل ادھر لگے گا نہیں

Hamare dil ko abhi mustaqil pata na bana
Hamein pata hai tera dil idhar lage ga nahin

جنوں کا حجم زیادہ، تمہارا ظرف ہے کم
ذرا سا گملا ہے، اس میں شجر لگے گا نہیں

Junoon ka hajm zyada, tumhara zarf hai kam
Zara sa gamla hai, us mein shajar lage ga nahin

اک ایسا زخم نما دل قریب سے گزرا
دل اس کو دیکھ کے چیخا، ٹھہر! لگے گا نہیں

Ik aisa zakhm-numa dil qareeb se guzra
Dil us ko dekh ke cheekha, thehar! Lage ga nahin

جنوں سے کند کیا ہے سو اس کے حسن کا کیل
مرے سوا کسی دیوار پر لگے گا نہیں

Junoon se kand kiya hai so us ke husn ka keel
Mere siwa kisi deewar par lage ga nahin

بہت توجہ تعلق بگاڑ دیتی ہے
زیادہ ڈرنے لگیں گے تو ڈر لگے گا نہیں

Bahut tawajjoh ta'alluq bigaar deti hai
Zyada darne lagen ge to dar lage ga nahin