اچانک دلربا موسم کا دل آزار ہو جانا
دعا آساں نہیں رہنا، سخن دشوار ہو جانا
Achanak dilruba mausam ka dil-aazaar ho jaana
Dua aasaan nahin rehna, sukhan dushwaar ho jaana
تمہیں دیکھیں نگاہیں اور تم کو ہی نہیں دیکھیں
محبت کے سبھی رشتوں کا یوں نادار ہو جانا
Tumhein dekhein nigaahein aur tum ko hi nahin dekhein
Mohabbat ke sabhi rishton ka yoon naadaar ho jaana
ابھی تو بے نیازی میں تخاطب کی سی خوشبو تھی
ہمیں اچھا لگا تھا درد کا دلدار ہو جانا
Abhi to be-niyaazi mein takhaatub ki si khushboo thi
Hamein achha laga tha dard ka dildaar ho jaana
اگر سچ اتنا ظالم ہے تو ہم سے جھوٹ ہی بولو
ہمیں آتا ہے پت جھڑ کے دنوں گل بار ہو جانا
Agar sach itna zaalim hai to hum se jhoot hi bolo
Hamein aata hai patjhar ke dinon gul-baar ho jaana
ابھی کچھ ان کہے الفاظ بھی ہیں کنجِ مژگاں میں
اگر تم اس طرف آؤ صبا رفتار ہو جانا
Abhi kuchh an-kahe alfaaz bhi hain kunj-e-mizhgaan mein
Agar tum is taraf aao saba-raftaar ho jaana
ہوا تو ہم سفر ٹھہری، سمجھ میں کس طرح آئے
ہواؤں کا ہماری راہ میں دیوار ہو جانا
Hawa to hum-safar thehri, samajh mein kis tarah aaye
Hawaon ka hamaari raah mein deewaar ho jaana
ابھی تو سلسلہ اپنا زمیں سے آسماں تک تھا
ابھی دیکھا تھا راتوں کا سحر آثار ہو جانا
Abhi to silsila apna zameen se aasmaan tak tha
Abhi dekha tha raaton ka sahar-aasaar ho jaana
Ada Jafri
View Profile →Ada Jafarey, often spelled Ada Jafri, was a Pakistani poet who is regarded as the first major female Urdu poet to be published and has been called "The First Lady…
Details
- Type: Ghazal
- Poet: Ada Jafri
- Couplets: 8
- Views: 21
Read in Urdu script
اردو رسم الخط