Thahre paani pe haath maara tha

44 views

ٹھہرے پانی پہ ہاتھ مارا تھا
دوستوں کو کہاں پکارا تھا

Thahre paani pe haath maara tha
Doston ko kahan pukara tha.

چھوڑ آیا تھا میز پر چائے
یہ جدائی کا استعارہ تھا

Chhor aaya tha mez par chai
Ye judaai ka isti'ara tha.

روح دیتی ہے اب دکھائی مجھے
آئینہ آگ سے گزارا تھا

Rooh deti hai ab dikhai mujhe
Aaina aag se guzara tha.

میری آنکھوں میں آ کے راکھ ہوا
جانے کس دیس کا ستارہ تھا

Meri aankhon mein aa ke raakh hua
Jaane kis des ka sitara tha.

وہ تو صدیوں سے میری روح میں تھا
عکس پتھر سے جو ابھارا تھا

Woh to sadiyon se meri rooh mein tha
Aks patthar se jo ubhara tha.

زندگی اور کچھ نہ تھی، توقیرؔ
طفل کے ہاتھ میں غبارہ تھا

Zindagi aur kuchh na thi, Tauqeer
Tifl ke haath mein ghubara tha.

Read in Urdu script