Hazaar naqs hain mujh mein, mere kamaal ko dekh

ہزار نقص ہیں مجھ میں، مرے کمال کو دیکھ
مجھے نہ دیکھ، دل آویزیِ خیال کو دیکھ

Hazaar naqs hain mujh mein, mere kamaal ko dekh
Mujhe na dekh, dil-aavezi-e-khayaal ko dekh

گدائے حسن تیرا خوگرِ سوال نہیں
نگاہِ شوق میں رعنائیِ سوال کو دیکھ

Gadaa-e-husn tera khugar-e-sawaal nahin
Nigah-e-shauq mein raanaai-e-sawaal ko dekh

نسیمِ صبح کی اٹھکیلیوں سے برہم ہے
چمن میں پھول کے چہرے پہ اشتعال کو دیکھ

Naseem-e-subh ki atkhiliyon se barham hai
Chaman mein phool ke chehre pe ishti'aal ko dekh

غبارِ رند ہے یا خاکِ ساقیِ مہوش
ادب سے چوم کے ہر ساغرِ سفال کو دیکھ

Ghubaar-e-rind hai ya khaak-e-saaqi-e-mahvash
Adab se choom ke har saaghar-e-sifaal ko dekh

خیالِ عیش میں بھی کیفِ آرزو نہ رہا
حیات سوزیِ زہرابِ انفعال کو دیکھ

Khayaal-e-aish mein bhi kaif-e-aarzoo na raha
Hayaat-sozi-e-zahraab-e-infi'aal ko dekh

ہجومِ جلوہ بداماں، ادائے خود بینی
نگاہِ صبر سے آرائشِ جمال کو دیکھ

Hujoom-e-jalva bad-aamaan, adaa-e-khud-beeni
Nigah-e-sabr se aara'ish-e-jamaal ko dekh

تمیزِ خواب و حقیقت ہے شرطِ بیداری
خیالِ عظمتِ ماضی کو چھوڑ، حال کو دیکھ

Tameez-e-khwaab-o-haqeeqat hai shart-e-bedaari
Khayaal-e-azmat-e-maazi ko chhor, haal ko dekh

رہے گی ’وجدؔ‘ تری کائناتِ دل برہم
کہا تھا کس نے کہ اُس حسنِ بے مثال کو دیکھ

Rahegi 'Wajd' teri kaa'inaat-e-dil barham
Kaha tha kis ne ki us husn-e-be-misaal ko dekh