ایک آئینہ روبرو ہے ابھی
اس کی خوشبو سے گفتگو ہے ابھی
Ek aaina ru-ba-ru hai abhi
Us ki khushboo se guftugu hai abhi.
وہی خانہ بدوش امیدیں
وہی بے صبر دل کی خو ہے ابھی
Wohi khana-ba-dosh umeedein
Wohi be-sabr dil ki khoo hai abhi.
دل کے گنجان راستوں پہ کہیں
تیری آواز اور تو ہے ابھی
Dil ke gunjaan raaston pe kahin
Teri aawaz aur tu hai abhi.
زندگی کی طرح خراج طلب
کوئی درماندہ آرزو ہے ابھی
Zindagi ki tarah khiraaj-talab
Koi darmaanda aarzu hai abhi.
بولتے ہیں دلوں کے سناٹے
شور سا یہ جو چار سو ہے ابھی
Bolte hain dilon ke sannate
Shor sa ye jo chaar-soo hai abhi.
زرد پتوں کو لے گئی ہے ہوا
شاخ میں شدتِ نمو ہے ابھی
Zard patton ko le gayi hai hawa
Shaakh mein shiddat-e-numoo hai abhi.
ورنہ انسان مر گیا ہوتا
کوئی بے نام جستجو ہے ابھی
Warna insaan mar gaya hota
Koi be-naam justuju hai abhi.
Ada Jafri
View Profile →Ada Jafarey, often spelled Ada Jafri, was a Pakistani poet who is regarded as the first major female Urdu poet to be published and has been called "The First Lady…
Details
- Type: Ghazal
- Poet: Ada Jafri
- Couplets: 8
- Views: 37
Read in Urdu script
اردو رسم الخط