Mujhe pehle to lagta tha ke zaati masla hai

مجھے پہلے تو لگتا تھا کہ ذاتی مسئلہ ہے
میں پھر سمجھا محبت کائناتی مسئلہ ہے

Mujhe pehle to lagta tha ke zaati masla hai
Main phir samjha mohabbat kainaati masla hai.

پرندے قید ہیں، تم چہچہاہٹ چاہتے ہو
تمہیں تو اچھا خاصا نفسیاتی مسئلہ ہے

Parinday qaid hain, tum chahchahahat chahte ho
Tumhein to achha khaasa nafsiyaati masla hai.

ہمیں تھوڑا جنوں درکار ہے، تھوڑا سکون بھی
ہماری نسل میں اک جینیاتی مسئلہ ہے

Humein thora junoon darkaar hai, thora sukoon bhi
Hamari nasl mein ik jeeniyaati masla hai.

بڑی مشکل ہے بنتے سلسلوں میں یہ توقف
ہمارے رابطوں کی بے ثباتی مسئلہ ہے

Bari mushkil hai bantay silsilon mein ye tawaqquf
Hamare raabton ki be-sabaati masla hai.

وہ کہتے ہیں کہ جو ہوگا، وہ آگے جا کے ہوگا
تو یہ دنیا بھی کوئی تجرباتی مسئلہ ہے

Woh kehte hain ke jo hoga, woh aagay ja ke hoga
To ye duniya bhi koi tajrubaati masla hai.

ہمارا وصل بھی تھا اتفاقی مسئلہ تھا
ہمارا ہجر بھی ہے حادثاتی مسئلہ ہے

Hamara wasl bhi tha ittifaqi masla tha
Hamara hijr bhi hai haadsaati masla hai.