Ye aur baat ke aage hawa ke rakkhe hain

یہ اور بات کہ آگے ہوا کے رکھے ہیں
چراغ رکھے ہیں جتنے جلا کے رکھے ہیں

Ye aur baat ke aage hawa ke rakkhe hain
Chiragh rakkhe hain jitne jala ke rakkhe hain.

نظر اٹھا کے انہیں ایک بار دیکھ تو لو
ستارے پلکوں پہ ہم نے سجا کے رکھے ہیں

Nazar utha ke unhein ek baar dekh to lo
Sitare palkon pe hum ne saja ke rakkhe hain.

کریں گے آج کی شب کیا، یہ سوچنا ہوگا
تمام کام تو کل پر اٹھا کے رکھے ہیں

Karen ge aaj ki shab kya, ye sochna hoga
Tamaam kaam to kal par utha ke rakkhe hain.

کسی بھی شخص کو اب ایک نام یاد نہیں
وہ نام سب نے جو مل کر خدا کے رکھے ہیں

Kisi bhi shakhs ko ab ek naam yaad nahin
Woh naam sab ne jo mil kar Khuda ke rakkhe hain.

انہیں فسانے کہو، دل کی داستانیں کہو
یہ آئینے ہیں جو کب سے سجا کے رکھے ہیں

Unhein fasane kaho, dil ki dastanen kaho
Ye aaine hain jo kab se saja ke rakkhe hain.

خلوص، درد، محبت، وفا، رواداری
یہ نام ہم نے کسی آشنا کے رکھے ہیں

Khuloos, dard, mohabbat, wafa, rawadari
Ye naam hum ne kisi aashna ke rakkhe hain.

تمہارے در کے سوالی بنیں تو کیسے بنیں
تمہارے در پہ تو کانٹے انا کے رکھے ہیں

Tumhare dar ke sawaali banen to kaise banen
Tumhare dar pe to kaante ana ke rakkhe hain