Jab se us ne shehar ko chhoda, har rasta sunsaan hua

جب سے اس نے شہر کو چھوڑا، ہر راستہ سنسان ہوا
اپنا کیا ہے، سارے شہر کا اک جیسا نقصان ہوا

Jab se us ne shehar ko chhoda, har rasta sunsaan hua
Apna kya hai, saare shehar ka ik jaisa nuqsan hua.

یہ دل، یہ آسیب کی نگری، مسکن سوچوں، وہموں کا
سوچ رہا ہوں اس نگری میں تو کب سے مہمان ہوا

Ye dil, ye aaseb ki nagri, maskan sochon, wahmon ka
Soch raha hoon is nagri mein tu kab se mehmaan hua.

صحرا کی منہ زور ہوائیں اوروں سے منسوب ہوئیں
مفت میں ہم آوارہ ٹھہرے، مفت میں گھر ویران ہوا

Sehra ki munh-zor hawaen auron se mansoob huin
Muft mein hum awara thehre, muft mein ghar veeran hua.

مرے حال پہ حیرت کیسی، درد کے تنہا موسم میں
پتھر بھی رو پڑتے ہیں، انسان تو پھر انسان ہوا

Mere haal pe hairat kaisi, dard ke tanha mausam mein
Patthar bhi ro padte hain, insaan to phir insaan hua.

اتنی دیر میں اجڑے دل پر کتنے محشر بیت گئے
جتنی دیر میں تجھ کو پا کر کھونے کا امکان ہوا

Itni der mein ujre dil par kitne mahshar beet gaye
Jitni der mein tujh ko pa kar khone ka imkaan hua.

کل تک جس کے گرد تھا رقصاں اک انبوہ ستاروں کا
آج اُسی کو تنہا پا کر میں تو بہت حیران ہوا

Kal tak jis ke gird tha raqsaan ik amboh sitaron ka
Aaj usi ko tanha pa kar main to bahut hairaan hua.

اس کے زخم چھپا کر رکھیے خود اس شخص کی نظروں سے
اس سے کیسا شکوہ کیجیے، وہ تو ابھی نادان ہوا

Us ke zakhm chhupa kar rakhiye khud us shakhs ki nazron se
Us se kaisa shikwa kijiye, woh to abhi nadaan hua.

جن اشکوں کی پھیکی لو کو ہم بے کار سمجھتے تھے
ان اشکوں سے کتنا روشن اک تاریک مکان ہوا

Jin ashkon ki pheeki lau ko hum bekaar samajhte the
Un ashkon se kitna roshan ik tareek makaan hua.

یوں بھی کم آمیز تھا محسنؔ وہ اس شہر کے لوگوں میں
لیکن میرے سامنے آ کر اور بھی کچھ انجان ہوا

Yun bhi kam-aamez tha Mohsin woh is shehar ke logon mein
Lekin mere saamne aa kar aur bhi kuch anjaan hua.