Itni muddat baad mile ho

اتنی مدت بعد ملے ہو
کن سوچوں میں گم پھرتے ہو

Itni muddat baad mile ho
Kin sochon mein gum phirte ho.

اتنے خائف کیوں رہتے ہو
ہر آہٹ سے ڈر جاتے ہو

Itne khaif kyun rehte ho
Har aahat se dar jaate ho.

تیز ہوا نے مجھ سے پوچھا
ریت پہ کیا لکھتے رہتے ہو

Taiz hawa ne mujh se poochha
Ret pe kya likhte rehte ho.

کاش کوئی ہم سے بھی پوچھے
رات گئے تک کیوں جاگے ہو

Kaash koi hum se bhi poochhe
Raat gaye tak kyun jaage ho.

میں دریا سے بھی ڈرتا ہوں
تم دریا سے بھی گہرے ہو

Main dariya se bhi darta hoon
Tum dariya se bhi gehre ho.

کون سی بات ہے تم میں ایسی
اتنے اچھے کیوں لگتے ہو

Kaun si baat hai tum mein aisi
Itne achhe kyun lagte ho.

پیچھے مڑ کر کیوں دیکھا تھا
پتھر بن کر کیا تکتے ہو

Peechhe mur kar kyun dekha tha
Patthar ban kar kya takte ho.

جاؤ جیت کا جشن مناؤ
میں جھوٹا ہوں، تم سچے ہو

Jao jeet ka jashn manao
Main jhoota hoon, tum sachche ho.

اپنے شہر کے سب لوگوں سے
میری خاطر کیوں الجھے ہو

Apne shehar ke sab logon se
Meri khatir kyun uljhe ho.

کہنے کو رہتے ہو دل میں
پھر بھی کتنے دور کھڑے ہو

Kehne ko rehte ho dil mein
Phir bhi kitne door khade ho.

رات ہمیں کچھ یاد نہیں تھا
رات بہت ہی یاد آئے ہو

Raat humein kuch yaad nahin tha
Raat bahut hi yaad aaye ho.

ہم سے نہ پوچھو ہجر کے قصے
اپنی کہو، اب تم کیسے ہو

Hum se na poochho hijr ke qisse
Apni kaho, ab tum kaise ho.

محسنؔ تم بدنام بہت ہو
جیسے ہو، پھر بھی اچھے ہو

Mohsin tum badnaam bahut ho
Jaise ho, phir bhi achhe ho.