Main aarzu-e-jaan likhun ya jaan-e-aarzu!

میں آرزوئے جاں لکھوں یا جانِ آرزو!
تو ہی بتا دے ناز سے ایمانِ آرزو!

Main aarzu-e-jaan likhun ya jaan-e-aarzu!
Tu hi bata de naaz se imaan-e-aarzu!

آنسو نکل رہے ہیں تصور میں بن کے پھول
شاداب ہو رہا ہے گلستانِ آرزو!

Aansoo nikal rahe hain tasavvur mein ban ke phool
Shadaab ho raha hai gulistaan-e-aarzu!

ایمان و جاں نثار تری اک نگاہ پر
تو جانِ آرزو ہے، تو ایمانِ آرزو!

Imaan-o-jaan nisaar teri ik nigah par
Tu jaan-e-aarzu hai, tu imaan-e-aarzu!

ہونے کو ہے طلوع صباحِ شبِ وصال
بجھنے کو ہے چراغِ شبستانِ آرزو!

Hone ko hai tulu-e-sabaah-e-shab-e-visaal
Bujhne ko hai charagh-e-shabistaan-e-aarzu!

اک وہ کہ آرزوؤں پہ جیتے ہیں عمر بھر
اک ہم کہ ہیں ابھی سے پشیمانِ آرزو!

Ik woh ke aarzuon pe jeete hain umr bhar
Ik hum ke hain abhi se pasheemaan-e-aarzu!

آنکھوں سے جوئے خوں ہے رواں، دل ہے داغ داغ
دیکھے کوئی بہارِ گلستانِ آرزو!

Aankhon se joo-e-khoon hai rawaan, dil hai daagh daagh
Dekhe koi bahaar-e-gulistaan-e-aarzu!

دل میں نشاطِ رفتہ کی دھندلی سی یاد ہے
یا شمعِ وصل ہے تہِ دامانِ آرزو!

Dil mein nashaat-e-rafta ki dhundli si yaad hai
Ya sham-e-wasl hai tah-e-daamaan-e-aarzu!

اخترؔ کو زندگی کا بھروسا نہیں رہا
جب سے لٹا چکے سر و سامانِ آرزو!

Akhtar ko zindagi ka bharosa nahin raha
Jab se luta chuke sar-o-saamaan-e-aarzu!