Bayabanon pe zindanon pe veeranon pe kya guzri

بیابانوں پہ زندانوں پہ ویرانوں پہ کیا گزری
جہانِ ہوش میں آئے تو دیوانوں پہ کیا گزری

Bayabanon pe zindanon pe veeranon pe kya guzri
Jahan-e-hosh mein aaye to deewanon pe kya guzri

دکھاؤں تجھ کو منظر کیا گلوں کی پائمالی کا
چمن سے پوچھ لے نوخیز ارمانوں پہ کیا گزری

Dikhaun tujh ko manzar kya gulon ki paemali ka
Chaman se poochh le nau-khez armanon pe kya guzri

بہار آئے تو خود ہی لالہ و نرگس بتا دیں گے
خزاں کے دور میں دلکش گلستانوں پہ کیا گزری

Bahaar aaye to khud hi lala-o-nargis bata denge
Khizaan ke daur mein dilkash gulistanon pe kya guzri

نشانِ شمعِ محفل ہے نہ خاکِ اہلِ محفل ہے
سحر اب پوچھتی ہے رات پروانوں پہ کیا گزری

Nishan-e-shama-e-mehfil hai na khaak-e-ahl-e-mehfil hai
Sahar ab poochhti hai raat parwanon pe kya guzri

ہمارا ہی سفینہ تیرے طوفانوں کا باعث تھا
ہمارے ڈوبنے کے بعد طوفانوں پہ کیا گزری

Hamara hi safeena tere toofanon ka baa'is tha
Hamare doobne ke baad toofanon pe kya guzri

میں اکثر سوچتا ہوں ’وجدؔ‘ ان کی مہربانی سے
یہ کچھ گزری ہے اپنوں پر تو بیگانوں پہ کیا گزری

Main aksar sochta hoon 'Wajd' un ki mehrbani se
Ye kuchh guzri hai apnon par to beganon pe kya guzri