Bhari hai dil mein jo hasrat, kahun to kis se kahun

بھری ہے دل میں جو حسرت، کہوں تو کس سے کہوں
سنے ہے کون مصیبت، کہوں تو کس سے کہوں

Bhari hai dil mein jo hasrat, kahun to kis se kahun
Sune hai kaun museebat, kahun to kis se kahun.

جو تو ہو صاف تو کچھ میں بھی صاف تجھ سے کہوں
ترے ہے دل میں کدورت، کہوں تو کس سے کہوں

Jo tu ho saaf to kuch main bhi saaf tujh se kahun
Tere hai dil mein kadurat, kahun to kis se kahun.

نہ کوہ کن ہے نہ مجنوں کہ تھے مرے ہمدرد
میں اپنا دردِ محبت، کہوں تو کس سے کہوں

Na koh kan hai na Majnun ke the mere hamdard
Main apna dard-e-mohabbat, kahun to kis se kahun.

دل اس کو آپ دیا، آپ ہی پشیماں ہوں
کہ سچ ہے اپنی ندامت، کہوں تو کس سے کہوں

Dil us ko aap diya, aap hi pashemaan hoon
Ke sach hai apni nadaamat, kahun to kis se kahun.

کہوں میں جس سے اسے ہووے سنتے ہی وحشت
پھر اپنا قصۂ وحشت، کہوں تو کس سے کہوں

Kahun main jis se use hove sunte hi wahshat
Phir apna qissa-e-wahshat, kahun to kis se kahun.

رہا ہے تو ہی تو غم خوار اے دلِ غمگیں
ترے سوا غمِ فرقت، کہوں تو کس سے کہوں

Raha hai tu hi to gham-khwaar ai dil-e-ghamgeen
Tere siwa gham-e-furqat, kahun to kis se kahun.

جو دوست ہو تو کہوں تجھ سے دوستی کی بات
تجھے تو مجھ سے عداوت، کہوں تو کس سے کہوں

Jo dost ho to kahun tujh se dosti ki baat
Tujhe to mujh se adawat, kahun to kis se kahun.

نہ مجھ کو کہنے کی طاقت، کہوں تو کیا احوال
نہ اس کو سننے کی فرصت، کہوں تو کس سے کہوں

Na mujh ko kehne ki taaqat, kahun to kya ahwaal
Na us ko sunne ki fursat, kahun to kis se kahun.

کسی کو دیکھتا اتنا نہیں حقیقت میں
ظفرؔ میں اپنی حقیقت، کہوں تو کس سے کہوں

Kisi ko dekhta itna nahin haqeeqat mein
Zafar main apni haqeeqat, kahun to kis se kahun.