Jab woh masroor nazar aata hai

48 views

جب وہ مسرور نظر آتا ہے
ہر طرف نور نظر آتا ہے

Jab woh masroor nazar aata hai
Har taraf noor nazar aata hai

میں تو مے خوار ہوں، تو کیوں ساقی
نشے میں چور نظر آتا ہے

Main to mai-khwaar hoon, tu kyun saaqi
Nashe mein choor nazar aata hai

قرب سے ہاتھ اٹھایا میں نے
تو بڑی دور نظر آتا ہے

Qurb se haath uthaaya main ne
Tu badi door nazar aata hai

میں ہی تنہا نہیں دل کے ہاتھوں
تو بھی مجبور نظر آتا ہے

Main hi tanha nahin dil ke haathon
Tu bhi majboor nazar aata hai

خاکساری کو چھپانے کے لیے
وجدؔ مغرور نظر آتا ہے

Khaaksaari ko chhupaane ke liye
Wajd maghroor nazar aata hai

Read in Urdu script