Kaif jo rooh pe taari hai tujhe kya maaloom

کیف جو روح پہ طاری ہے تجھے کیا معلوم
عمر آنکھوں میں گزاری ہے تجھے کیا معلوم

Kaif jo rooh pe taari hai tujhe kya maaloom
Umr aankhon mein guzaari hai tujhe kya maaloom

نگہِ اوّلِ بے باک نے میرے دل پر
تیری تصویر اتاری ہے تجھے کیا معلوم

Nigah-e-awwal-e-bebaak ne mere dil par
Teri tasveer utaari hai tujhe kya maaloom

مہر یا قہر ترے چاہنے والے کے لیے
ہر ادا جان سے پیاری ہے تجھے کیا معلوم

Mehr ya qahr tere chaahne waale ke liye
Har ada jaan se pyaari hai tujhe kya maaloom

وقت کٹتا ہی نہیں صبحِ مسرت آ جا
رات بیمار پہ بھاری ہے تجھے کیا معلوم

Waqt katta hi nahin, subh-e-masarrat aa ja
Raat beemaar pe bhaari hai tujhe kya maaloom

ایک مدت سے یہاں عمرِ رواں تیرے بغیر
وقفِ آلام شماری ہے تجھے کیا معلوم

Ek muddat se yahaan umr-e-ravaan tere baghair
Waqf-e-aalaam-shumaari hai tujhe kya maaloom

خندہ زن صورتِ گل دامنِ صد چاک مرا
پرچمِ فصلِ بہاری ہے تجھے کیا معلوم

Khanda-zan soorat-e-gul, daaman-e-sad-chaak mera
Parcham-e-fasl-e-bahaari hai tujhe kya maaloom

گلِ نوخاستہ کانٹوں کو حقارت سے نہ دیکھ
کس کی تقدیر میں خواری ہے تجھے کیا معلوم

Gul-e-nau-khaasta kaanton ko haqaaraat se na dekh
Kis ki taqdeer mein khwaari hai tujhe kya maaloom

وجدؔ ناپیدئیِ احساسِ مسرت کا سبب
عادتِ گریہ و زاری ہے تجھے کیا معلوم

Wajd, na-paidei-e-ehsaas-e-masarrat ka sabab
Aadat-e-girya-o-zaari hai tujhe kya maaloom