Saqi sharaab la ke tabiyat udaas hai

ساقی شراب لا کہ طبیعت اداس ہے
مطرب رباب اٹھا کہ طبیعت اداس ہے

Saqi sharaab la ke tabiyat udaas hai
Mutrib rabaab utha ke tabiyat udaas hai.

رک رک کے ساز چھیڑ کہ دل مطمئن نہیں
تھم تھم کے مے پلا کہ طبیعت اداس ہے

Ruk ruk ke saaz chher ke dil mutmain nahin
Tham tham ke mai pila ke tabiyat udaas hai.

چبھتی ہے قلب و جاں میں ستاروں کی روشنی
اے چاند ڈوب جا کہ طبیعت اداس ہے

Chubhti hai qalb-o-jaan mein sitaron ki roshni
Ai chaand doob ja ke tabiyat udaas hai.

مجھ سے نظر نہ پھیر کہ برہم ہے زندگی
مجھ سے نظر ملا کہ طبیعت اداس ہے

Mujh se nazar na pher ke barham hai zindagi
Mujh se nazar mila ke tabiyat udaas hai.

شاید ترے لبوں کی چٹک سے ہو جی بحال
اے دوست مسکرا کہ طبیعت اداس ہے

Shayad tere labon ki chatak se ho ji bahaal
Ai dost muskura ke tabiyat udaas hai.

ہے حسن کا فسوں بھی علاجِ فسردگی
رخ سے نقاب اٹھا کہ طبیعت اداس ہے

Hai husn ka fusoon bhi ilaaj-e-fasurdagi
Rukh se naqaab utha ke tabiyat udaas hai.

میں نے کبھی یہ ضد تو نہیں کی، پر آج شب
اے مہ جبیں نہ جا کہ طبیعت اداس ہے

Main ne kabhi ye zid to nahin ki, par aaj shab
Ai mah-jabeen na ja ke tabiyat udaas hai.

امشب گریز و رم کا نہیں ہے کوئی محل
آغوش میں در آ کہ طبیعت اداس ہے

Imshab gurez-o-ram ka nahin hai koi mahal
Aaghosh mein dar aa ke tabiyat udaas hai.

کیفیتِ سکوت سے بڑھتا ہے اور غم
قصہ کوئی سنا کہ طبیعت اداس ہے

Kaifiyyat-e-sukoot se barhta hai aur gham
Qissa koi suna ke tabiyat udaas hai.

یوں ہی درست ہوگی طبیعت تری عدمؔ
کم بخت بھول جا کہ طبیعت اداس ہے

Yun hi durust hogi tabiyat teri Adam
Kambakht bhool ja ke tabiyat udaas hai.

توبہ تو کر چکا ہوں مگر پھر بھی اے عدمؔ
تھوڑا سا زہر لا کہ طبیعت اداس ہے

Tauba to kar chuka hoon magar phir bhi ai Adam
Thora sa zahr la ke tabiyat udaas hai.