کیا جانیے کس بات پہ مغرور رہی ہوں
کہنے کو تو جس راہ چلایا ہے چلی ہوں
Kya janiye kis baat pe maghroor rahi hoon
Kehne ko to jis raah chalaya hai chali hoon
تم پاس نہیں ہو تو عجب حال ہے دل کا
یوں جیسے میں کچھ رکھ کے کہیں بھول گئی ہوں
Tum paas nahin ho to ajab haal hai dil ka
Yoon jaise main kuchh rakh ke kahin bhool gayi hoon
پھولوں کے کٹوروں سے چھلک پڑتی ہے شبنم
ہنسنے کو ترے پیچھے بھی سو بار ہنسی ہوں
Phoolon ke katoron se chhalak parti hai shabnam
Hansne ko tere peechhe bhi sau baar hansi hoon
تیرے لیے تقدیر مری جنبشِ ابرو
اور میں ترا ایماۓ نظر دیکھ رہی ہوں
Tere liye taqdeer meri jumbish-e-abroo
Aur main tera eema-e-nazar dekh rahi hoon
صدیوں سے مرے پاؤں تلے جنتِ انساں
میں جنتِ انساں کا پتا پوچھ رہی ہوں
Sadiyon se mere paaon tale jannat-e-insaan
Main jannat-e-insaan ka pata poochh rahi hoon
دل کو تو یہ کہتے ہیں کہ بس قطرۂ خوں ہے
کس آس پہ اے سنگِ سرِ راہ چلی ہوں
Dil ko to ye kehte hain ke bas qatra-e-khoon hai
Kis aas pe ai sang-e-sar-e-raah chali hoon
جس ہاتھ کی تقدیس نے گلشن کو سنوارا
اس ہاتھ کی تقدیر پہ آزردہ رہی ہوں
Jis haath ki taqdees ne gulshan ko sanwaara
Us haath ki taqdeer pe aazurda rahi hoon
Ada Jafri
View Profile →Ada Jafarey, often spelled Ada Jafri, was a Pakistani poet who is regarded as the first major female Urdu poet to be published and has been called "The First Lady…
Details
- Type: Ghazal
- Poet: Ada Jafri
- Couplets: 8
- Views: 23
Read in Urdu script
اردو رسم الخط