Kuch to tanhaai ki raaton mein sahaara hota

کچھ تو تنہائی کی راتوں میں سہارا ہوتا
تم نہ ہوتے نہ سہی، ذکر تمہارا ہوتا

Kuch to tanhaai ki raaton mein sahaara hota
Tum na hote na sahi, zikr tumhara hota.

ترکِ دنیا کا یہ دعویٰ ہے فضول اے زاہد
بارِ ہستی تو ذرا سر سے اتارا ہوتا

Tark-e-duniya ka ye daawa hai fuzool ai zaahid
Baar-e-hasti to zara sar se utaara hota.

وہ اگر آ نہ سکے، موت ہی آئی ہوتی
ہجر میں کوئی تو غمخوار ہمارا ہوتا

Woh agar aa na sake, maut hi aayi hoti
Hijr mein koi to gham-khwaar hamara hota.

زندگی کتنی مسرت سے گزرتی یا رب
عیش کی طرح اگر غم بھی گوارا ہوتا

Zindagi kitni musarrat se guzarti ya Rab
Aish ki tarah agar gham bhi gawara hota.

عظمتِ گریہ کو کوتاہ نظر کیا سمجھیں
اشک اگر اشک نہ ہوتا تو ستارا ہوتا

Azmat-e-girya ko kotah nazar kya samjhein
Ashk agar ashk na hota to sitara hota.

لبِ زاہد پہ ہے افسانۂ حورِ جنت
کاش اس وقت مرا انجمن آرا ہوتا

Lab-e-zaahid pe hai afsana-e-hoor-e-jannat
Kaash us waqt mera anjuman-aara hota.

غمِ الفت جو نہ ملتا، غمِ ہستی ملتا
کسی صورت تو زمانے میں گزارا ہوتا

Gham-e-ulfat jo na milta, gham-e-hasti milta
Kisi soorat to zamaane mein guzara hota.

کس کو فرصت تھی زمانے کے ستم سہنے کی
گر نہ اس شوخ کی آنکھوں کا اشارا ہوتا

Kis ko fursat thi zamaane ke sitam sehne ki
Gar na us shokh ki aankhon ka ishaara hota.

کوئی ہمدرد زمانے میں نہ پایا اخترؔ
دل کو حسرت ہی رہی، کوئی ہمارا ہوتا

Koi hamdard zamaane mein na paaya Akhtar
Dil ko hasrat hi rahi, koi hamara hota.