Ashk apna ke tumhara nahin dekha jata

اشک اپنا کہ تمہارا نہیں دیکھا جاتا
ابر کی زد میں ستارہ نہیں دیکھا جاتا

Ashk apna ke tumhara nahin dekha jata
Abr ki zad mein sitara nahin dekha jata.

اپنی شہ رگ کا لہو تن میں رواں ہے جب تک
زیرِ خنجر کوئی پیارا نہیں دیکھا جاتا

Apni shah-rag ka lahu tan mein rawan hai jab tak
Zair-e-khanjar koi pyara nahin dekha jata.

موج در موج اُلجھنے کی ہوس بے معنی
ڈوبتا ہو تو سہارا نہیں دیکھا جاتا

Mauj dar mauj ulajhne ki havas be-maani
Doobta ho to sahara nahin dekha jata.

تیرے چہرے کی کشش تھی کہ پلٹ کر دیکھا
ورنہ سورج تو دوبارہ نہیں دیکھا جاتا

Tere chehre ki kashish thi ke palat kar dekha
Warna sooraj to dobara nahin dekha jata.

آگ کی ضد پہ نہ جا، پھر سے بھڑک سکتی ہے
راکھ کی تہ میں شرارہ نہیں دیکھا جاتا

Aag ki zid pe na ja, phir se bhadak sakti hai
Raakh ki tah mein sharara nahin dekha jata.

زخم آنکھوں کے بھی سہتے تھے کبھی دل والے
اب تو ابرو کا اشارہ نہیں دیکھا جاتا

Zakhm aankhon ke bhi sahte the kabhi dil wale
Ab to abroo ka ishara nahin dekha jata.

کیا قیامت ہے کہ دل جس کا نگر ہے محسنؔ
دل پہ اس کا بھی اجارہ نہیں دیکھا جاتا

Kya qayamat hai ke dil jis ka nagar hai Mohsin
Dil pe us ka bhi ijara nahin dekha jata.