Woh kabhi mil jaayen to kya kijiye

وہ کبھی مل جائیں تو کیا کیجیے
رات دن صورت کو دیکھا کیجیے

Woh kabhi mil jaayen to kya kijiye
Raat din soorat ko dekha kijiye.

چاندنی راتوں میں اک اک پھول کو
بے خودی کہتی ہے سجدہ کیجیے

Chaandni raaton mein ik ik phool ko
Be-khudi kehti hai sajda kijiye.

جو تمنا بر نہ آئے عمر بھر
عمر بھر اس کی تمنا کیجیے

Jo tamanna bar na aaye umr bhar
Umr bhar us ki tamanna kijiye.

عشق کی رنگینیوں میں ڈوب کر
چاندنی راتوں میں رویا کیجیے

Ishq ki rangeeniyon mein doob kar
Chaandni raaton mein roya kijiye.

پوچھ بیٹھے ہیں ہمارا حال وہ
بے خودی! تو ہی بتا کیا کیجیے

Poochh baithe hain hamara haal woh
Be-khudi! Tu hi bata kya kijiye.

ہم ہی اس کے عشق کے قابل نہ تھے
کیوں کسی ظالم کا شکوہ کیجیے

Hum hi us ke ishq ke qaabil na the
Kyun kisi zalim ka shikwa kijiye.

آپ ہی نے دردِ دل بخشا ہمیں
آپ ہی اس کا مداوا کیجیے

Aap hi ne dard-e-dil bakhsha humein
Aap hi us ka mudaawa kijiye.

کہتے ہیں اخترؔ، وہ سن کر میرے شعر
اس طرح ہم کو نہ رسوا کیجیے

Kehte hain Akhtar, woh sun kar mere she'r
Is tarah hum ko na ruswa kijiye.