Zulmat-e-shab hi sahar ho jaayegi

ظلمتِ شب ہی سحر ہو جائے گی
شدتِ غم چارہ گر ہو جائے گی

Zulmat-e-shab hi sahar ho jaayegi
Shiddat-e-gham chaaragar ho jaayegi

رونے والے یوں مصیبت پر نہ رو
زندگی اک دردِ سر ہو جائے گی

Rone waale yun museebat par na ro
Zindagi ik dard-e-sar ho jaayegi

بعدِ تعمیرِ مکاں زنجیرِ غم
الفتِ دیوار و در ہو جائے گی

Baad-e-taameer-e-makaan zanjeer-e-gham
Ulfat-e-deewaar-o-dar ho jaayegi

لا دلیلِ عشق و مستی درمیان
ختم بحثِ خیر و شر ہو جائے گی

Laa daleel-e-ishq-o-masti darmiyaan
Khatm-e-bahs-e-khair-o-shar ho jaayegi

ذکر اپنا جا بجا اچھا نہیں
سب کہانی بے اثر ہو جائے گی

Zikr apna ja-ba-ja achchha nahin
Sab kahaani be-asar ho jaayegi

صبحِ راحت کے تصور کے طفیل
ہر شبِ غم مختصر ہو جائے گی

Subh-e-raahat ke tasavvur ke tufail
Har shab-e-gham mukhtasar ho jaayegi

صرف و عزمِ آتشیں درکار ہے
عمر سرگرمِ سفر ہو جائے گی

Sirf-o-azm-e-aatisheen darkaar hai
Umr sargarm-e-safar ho jaayegi

آ رہا ہے انقلابِ حشر خیز
زندگی زیر و زبر ہو جائے گی

Aa raha hai inqilaab-e-hashr-khez
Zindagi zer-o-zabar ho jaayegi