Kehte hain ke ab hum se khata-kaar bahut hain

کہتے ہیں کہ اب ہم سے خطاکار بہت ہیں
اک رسمِ وفا تھی سو وفادار بہت ہیں

Kehte hain ke ab hum se khata-kaar bahut hain
Ik rasm-e-wafa thi so wafadaar bahut hain

لہجے کی کھنک ہو کہ نگاہوں کی صداقت
یوسفؑ کے لیے مصر کے بازار بہت ہیں

Lehje ki khanak ho ke nigahon ki sadaqat
Yusuf ke liye Misr ke bazaar bahut hain

کچھ زخم کی رنگت میں گلِ تر کے قریں تھے
کچھ نقش کہ ہیں نقش بہ دیوار بہت ہیں

Kuchh zakhm ki rangat mein gul-e-tar ke qareen the
Kuchh naqsh ke hain naqsh-ba-deewaar bahut hain

راہوں میں کوئی آبلہ پا اب نہیں ملتا
راستے میں مگر قافلہ سالار بہت ہیں

Raahon mein koi aabla-paa ab nahin milta
Raste mein magar qaafila-saalaar bahut hain

اک خواب کا احساں بھی اٹھائے نہیں اٹھتا
کیا کہیے کہ آسودۂ آزار بہت ہیں

Ik khwaab ka ehsaan bhi uthaye nahin uthta
Kya kahiye ke aasooda-e-aazaar bahut hain

کیوں اہلِ وفا زحمتِ بیداد نگاہی
جینے کے لیے اور بھی آزار بہت ہیں

Kyun ahl-e-wafa zahmat-e-bedaad-nigaahi
Jeene ke liye aur bhi aazaar bahut hain

ہر جذبۂ بیتاب کے احکام ہزاروں
ہر لمحۂ بے خواب کے اسرار بہت ہیں

Har jazba-e-betaab ke ahkaam hazaaron
Har lamha-e-be-khwaab ke israar bahut hain

پلکوں تلک آ پہنچے نہ کرنوں کی تمازت
اب تک تو "ادا" آئینہ بردار بہت ہیں

Palkon talak aa pahunche na kirnon ki tamaazat
Ab tak to 'Ada' aaina-bardaar bahut hain