Ye dil, ye paagal dil mera, kyun bujh gaya awargi

یہ دل، یہ پاگل دل مرا، کیوں بجھ گیا آوارگی
اس دشت میں اک شہر تھا، وہ کیا ہوا آوارگی

Ye dil, ye paagal dil mera, kyun bujh gaya awargi
Is dasht mein ik shehar tha, woh kya hua awargi.

کل شب مجھے بے شکل کی آواز نے چونکا دیا
میں نے کہا، تُو کون ہے؟ اس نے کہا، آوارگی

Kal shab mujhe be-shakl ki aawaz ne chaunka diya
Main ne kaha, tu kaun hai? Us ne kaha, awargi.

لوگو! بھلا اس شہر میں کیسے جئیں گے ہم جہاں
ہو جرم تنہا سوچنا، لیکن سزا آوارگی

Logo! Bhala is shehar mein kaise jiyenge hum jahan
Ho jurm tanha sochna, lekin saza awargi.

یہ درد کی تنہائیاں، یہ دشت کا ویران سفر
ہم لوگ تو اکتا گئے، اپنی سنا آوارگی

Ye dard ki tanhaiyan, ye dasht ka veeraan safar
Hum log to ukta gaye, apni suna awargi.

اک اجنبی جھونکے نے جب پوچھا مرے غم کا سبب
صحرا کی بھیگی ریت پر میں نے لکھا آوارگی

Ik ajnabi jhonke ne jab poochha mere gham ka sabab
Sehra ki bheegi ret par main ne likha awargi.

اس سمت وحشی خواہشوں کی زد میں پیمانِ وفا
اس سمت لہروں کی دھمک، کچا گھڑا آوارگی

Us samt wahshi khwahishon ki zad mein paiman-e-wafa
Us samt lehron ki dhamak, kaccha ghara awargi.

کل رات تنہا چاند کو دیکھا تھا میں نے خواب میں
محسنؔ مجھے راس آئے گی شاید سدا آوارگی

Kal raat tanha chaand ko dekha tha main ne khwaab mein
Mohsin mujhe raas aayegi shayad sada awargi.