Khali hai abhi jaam, main kuch soch raha hoon

خالی ہے ابھی جام، میں کچھ سوچ رہا ہوں
اے گردشِ ایام، میں کچھ سوچ رہا ہوں

Khali hai abhi jaam, main kuch soch raha hoon
Ai gardish-e-ayyam, main kuch soch raha hoon.

ساقی، تجھے اک تھوڑی سی تکلیف تو ہوگی
ساغر کو ذرا تھام، میں کچھ سوچ رہا ہوں

Saqi, tujhe ik thori si takleef to hogi
Saghar ko zara thaam, main kuch soch raha hoon.

پہلے بڑی رغبت تھی ترے نام سے مجھ کو
اب سن کے ترا نام، میں کچھ سوچ رہا ہوں

Pehle bari raghbat thi tere naam se mujh ko
Ab sun ke tera naam, main kuch soch raha hoon.

ادراک ابھی پورا تعاون نہیں کرتا
دے بادۂ گل فام، میں کچھ سوچ رہا ہوں

Idraak abhi poora ta'awun nahin karta
De baada-e-gulfaam, main kuch soch raha hoon.

حل کچھ تو نکل آئے گا حالات کی ضد کا
اے کثرتِ آلام، میں کچھ سوچ رہا ہوں

Hal kuch to nikal aayega halaat ki zid ka
Ai kasrat-e-aalaam, main kuch soch raha hoon.

پھر آج عدمؔ شام سے غمگیں ہے طبیعت
پھر آج سرِ شام، میں کچھ سوچ رہا ہوں

Phir aaj Adam shaam se ghamgeen hai tabiyat
Phir aaj sar-e-shaam, main kuch soch raha hoon.