Ek tareekh muqarrar pe to har maah mile

ایک تاریخ مقرر پہ تو ہر ماہ ملے
جیسے دفتر میں کسی شخص کو تنخواہ ملے

Ek tareekh muqarrar pe to har maah mile
Jaise daftar mein kisi shakhs ko tankhwah mile.

رنگ اکھڑ جائے تو ظاہر ہو پلاسٹر کی نمی
قہقہہ کھود کے دیکھو تو تمہیں آہ ملے

Rang ukhar jaaye to zahir ho plaster ki nami
Qahqaha khod ke dekho to tumhein aah mile.

جمع تھے رات مرے گھر ترے ٹھکرائے ہوئے
ایک درگاہ پہ سب راندۂ درگاہ ملے

Jam' the raat mere ghar tere thukraye hue
Ek dargah pe sab randa-e-dargah mile.

میں تو اک عام سپاہی تھا حفاظت کے لیے
شہزادی، یہ ترا حق تھا تجھے شاہ ملے

Main to ik aam sipahi tha hifazat ke liye
Shahzadi, ye tera haq tha tujhe shah mile.

ایک اداسی کے جزیرے پہ ہوں اشکوں میں گھرا
میں نکل جاؤں اگر خشک گزرگاہ ملے

Ek udaasi ke jazeere pe hoon ashkon mein ghira
Main nikal jaaun agar khushk guzargah mile

اک ملاقات کے ٹلنے کی خبر ایسے لگی
جیسے مزدور کو ہڑتال کی افواہ ملے

Ik mulaqat ke talne ki khabar aise lagi
Jaise mazdoor ko hartaal ki afwah mile.

گھر پہنچنے کی نہ جلدی نہ تمنا ہے کوئی
جس نے ملنا ہو مجھے آئے سرِ راہ ملے

Ghar pahunchne ki na jaldi na tamanna hai koi
Jis ne milna ho mujhe aaye sar-e-raah mile.