اجالا دے چراغِ رہگزر آساں نہیں ہوتا
ہمیشہ ہو ستارہ ہم سفر آساں نہیں ہوتا
Ujala de charagh-e-rahguzar aasaan nahin hota
Hamesha ho sitaara hum-safar aasaan nahin hota
جو آنکھوں اوٹ ہے چہرہ اُسی کو دیکھ کر جینا
یہ سوچا تھا کہ آساں ہے مگر آساں نہیں ہوتا
Jo aankhon ot hai chehra usi ko dekh kar jeena
Ye socha tha ke aasaan hai magar aasaan nahin hota
بڑے تاباں بڑے روشن ستارے ٹوٹ جاتے ہیں
سحر کی راہ تکنا تا سحر آساں نہیں ہوتا
Bare taabaan bare roshan sitaare toot jaate hain
Sahar ki raah takna taa-sahar aasaan nahin hota
اندھیری کاسنی راتیں یہیں سے ہو کے گزریں گی
جلا رکھنا کوئی داغِ جگر آساں نہیں ہوتا
Andheri kaasni raatein yahin se ho ke guzrein gi
Jala rakhna koi daagh-e-jigar aasaan nahin hota
کسی درد آشنا لمحے کے نقشِ پا سجا لینا
اکیلے گھر کو کہنا اپنا گھر آساں نہیں ہوتا
Kisi dard-aashna lamhe ke naqsh-e-paa saja lena
Akele ghar ko kehna apna ghar aasaan nahin hota
جو ٹپکے کاسۂ دل میں تو عالم ہی بدل جائے
وہ اک آنسو مگر اے چشمِ تر آساں نہیں ہوتا
Jo tapke kaasa-e-dil mein to aalam hi badal jaaye
Woh ik aansoo magar ai chashm-e-tar aasaan nahin hota
گماں تو کیا یقیں بھی وسوسوں کی زد میں ہوتا ہے
سمجھنا سنگِ در کو سنگِ در آساں نہیں ہوتا
Gumaan to kya yaqeen bhi waswason ki zad mein hota hai
Samajhna sang-e-dar ko sang-e-dar aasaan nahin hota
Ada Jafri
View Profile →Ada Jafarey, often spelled Ada Jafri, was a Pakistani poet who is regarded as the first major female Urdu poet to be published and has been called "The First Lady…
Details
- Type: Ghazal
- Poet: Ada Jafri
- Couplets: 8
- Views: 25
Read in Urdu script
اردو رسم الخط