Ujre hue logon se gurezaan na hua kar

اجڑے ہوئے لوگوں سے گریزاں نہ ہوا کر
حالات کی قبروں کے یہ کتبے بھی پڑھا کر

Ujre hue logon se gurezaan na hua kar
Halaat ki qabron ke ye katbe bhi padha kar.

کیا جانیے کیوں تیز ہوا سوچ میں گم ہے
خوابیدہ پرندوں کو درختوں سے اُڑا کر

Kya janiye kyun taiz hawa soch mein gum hai
Khwaabida parindon ko darakhton se uda kar.

اس شخص کے تم سے بھی مراسم ہیں تو ہوں گے
وہ جھوٹ نہ بولے گا مرے سامنے آ کر

Us shakhs ke tum se bhi marasim hain to honge
Woh jhoot na bolega mere saamne aa kar.

ہر وقت کا ہنسنا تجھے برباد نہ کر دے
تنہائی کے لمحوں میں کبھی رو بھی لیا کر

Har waqt ka hansna tujhe barbaad na kar de
Tanhai ke lamhon mein kabhi ro bhi liya kar.

وہ آج بھی صدیوں کی مسافت پہ کھڑا ہے
ڈھونڈا تھا جسے وقت کی دیوار گرا کر

Woh aaj bhi sadiyon ki masaafat pe khada hai
Dhoonda tha jise waqt ki deewaar gira kar.

اے دل! تجھے دشمن کی بھی پہچان کہاں ہے
تو حلقۂ یاراں میں بھی محتاط رہا کر

Ai dil! Tujhe dushman ki bhi pehchaan kahan hai
Tu halqa-e-yaaraan mein bhi mohtaat raha kar.

اس شب کے مقدر میں سحر ہی نہیں محسنؔ
دیکھا ہے کئی بار چراغوں کو بجھا کر

Is shab ke muqaddar mein sahar hi nahin Mohsin
Dekha hai kai baar charaghon ko bujha kar.