Zikr-e-shab-e-firaaq se wahshat use bhi thi

ذکرِ شبِ فراق سے وحشت اسے بھی تھی
میری طرح کسی سے محبت اسے بھی تھی

Zikr-e-shab-e-firaaq se wahshat use bhi thi
Meri tarah kisi se mohabbat use bhi thi.

مجھ کو بھی شوق تھا نئے چہروں کی دید کا
راستہ بدل کے چلنے کی عادت اسے بھی تھی

Mujh ko bhi shauq tha naye chehron ki deed ka
Rasta badal ke chalne ki aadat use bhi thi.

اس رات دیر تک وہ رہا محوِ گفتگو
مصروف میں بھی کم تھا، فراغت اسے بھی تھی

Us raat der tak woh raha mahv-e-guftugu
Masroof main bhi kam tha, faraghat use bhi thi.

مجھ سے بچھڑ کے شہر میں گھل مل گیا وہ شخص
حالانکہ شہر بھر سے عداوت اسے بھی تھی

Mujh se bichhar ke shehar mein ghul mil gaya woh shakhs
Halaanke shehar bhar se adawat use bhi thi.

وہ مجھ سے بڑھ کے ضبط کا عادی تھا، جی گیا
ورنہ ہر ایک سانس قیامت اسے بھی تھی

Woh mujh se barh ke zabt ka aadi tha, ji gaya
Warna har ek saans qayamat use bhi thi.

سنتا تھا وہ بھی سب سے پرانی کہانیاں
شاید رفاقتوں کی ضرورت اسے بھی تھی

Sunta tha woh bhi sab se purani kahaniyan
Shayad rafaqaton ki zarurat use bhi thi.

تنہا ہوا سفر میں تو مجھ پہ کھلا یہ بھید
سائے سے پیار، دھوپ سے نفرت اسے بھی تھی

Tanha hua safar mein to mujh pe khula ye bhed
Saaye se pyar, dhoop se nafrat use bhi thi.

محسنؔ میں اس سے کہہ نہ سکا یوں بھی حالِ دل
درپیش ایک تازہ مصیبت اسے بھی تھی

Mohsin main us se keh na saka yun bhi haal-e-dil
Darpesh ek taaza museebat use bhi thi.